Saturday, May 28, 2011

حفضل برضه احلم

مع ما نمر به من احداث
حفضل برضه احلم
ومع شدة التيار
حفضل برضه احلم
ححلم ان بكرة جاي بالهدوء
بكرة الناس حتبقا احسن
و اخلاقها حتتحسن
حتتقى ربنا فى تصرفاتها
الفلاحين حيزرعوا بإخلاص
حيراعوا ربنا فى اللى بياكلها الملاين
مش حيبنوا بيوت مكان الزرع
مش حيحطوا كيماويات تضر بالناس
بحلم برضه ان الفراخ ياكلوها طبيعي بدل ما تجنن زي البقر
و ساعتها حنبقا لا طولنا لحمة ولا فراخ
بحلم ان الاطفال فى المدارس تتعلم كويس و تتربى كويس
بدل ما الاهالى دلوقتى سايبين الشارع هو اللى يربيهم
بحلم بمدرس يتقى الله فى تعليم الاولاد
بدل ما يطلع عقدة عليهم و يخلق اطفال معقدين نفسيا
بدل ما كان واحد اصبح فصل بحالة
بحلم باني انام و انا فاتحة الشبابيك فى عز الحر
مش قافلاها خوفا من دخول واحد هارب من السجون
ولا واحد عاوز يبلطج فى الهوجة
بحلم بالهدوء و الاستقرار و العقل و الحكمة فى كل تصرفاتنا
و حفضل احلم احلم و احلم الى ان يسترد الله آمانته
لأنها شكلها احلام صعب تحقيقها على كوكب الارض

No comments: